O PLE de Estefanía

 O PLE (Contorno Persoal de Aprendizaxe) de Estefanía Pérez Abalo

Seguindo as indicacións de Carlos Parada Gandós, entendo que o PLE (Contorno Persoal de Aprendizaxe) é un conxunto de recursos, ferramentas e fontes de información que empregamos para aprender e/ou estar informadas, utilizando as tecnoloxías que se atopan ao noso alcance.

Para saber máis sobre os PLEs recoméndanse como persoas de referencia a Jordi Adell e a Linda Castañeda. Nos seguintes enlaces pódese ampliar este concepto:

• Jordi Adell nos explica que es un PLE (Personal Learning Environment). 
• Libro (descarga gratuíta): Entornos Personales de Aprendizaje: Claves para el Sistema Educativo en Red.

O meu PLE, o PLE de Estafanía Pérez, ten como recursos chave as ferramentas de Twitter, LinkedIn, Facebook, WhatsApp e GMail e, de xeito máis recente, Blogger. En suma, tamén emprego Zoom e as miñas principais fontes de información actualmente son Google, DOG, BOPPO e Dialnet. Deixo a continuación unha imaxe máis ilustrativa do citado.

Para ampliar o meu PLE e así lograr ter maior organización nas miñas fontes de información comecei a empregar a ferramenta Feedly. 

Feedly é un recurso de internet que mediante o emprego de RSS (Really Simple Syndication) nos permite acceder a todos os contidos actualizados das páxinas web que nós previamente teñamos seleccionado. Feedly ofrécenos de xeito organizado realizar as seguintes funcións:

1. Subscribirnos a todos os portais de internet (aqueles con RSS) que nos interesan.
2. Ler todos os contidos neles publicados.
3. Informarnos sobre as últimas actualizacións incorporadas. 
4. Ter reunido nun mesmo lugar todo o contido que nos interesa.
5. Poder ordear e filtrar os sitios web por categorías.

Deste xeito, Feedly supón a gran vantaxe de aforrar tempo ao non ter que consultar cada páxina individualmente, evita a saturación de correos electrónicos de todas esas páxinas, conta cunha ampla capacidade organizativa e permítenos ter sincronizada a información dende todos os dispositivos que nos conectemos. O seu principal inconveniente é que todo o anterior só se pode realizar con aquelas páxinas que dispoñen de formato RSS.

Seguindo o dito, aquí vos presento o meu Feedly cos principais recursos empregados ata o momento: 

• División das fontes de información en categorías (Boletíns, Educación, Igualdade e Orientación).

• Apartado de artigos ou noticias que quero ler logo.

• E un taboleiro realizado con artigos e noticias dunha mesma temática que no meu caso engloba dúas das categorías anteriores (Igualdade e Orientación). Neste apartado non só teño elementos que xa están dentro de Feedly senón tamén outros que aínda que o propio me interesa, a páxina a nivel xeral agora mesmo non. O meu taboleiro chámase "Igualdade e Emprego".

Agora, ao haber empregado a nova ferramente de Feedly, o meu PLE inicial muda e pasa a quedar do seguinte xeito:

Sen dúbida, dende agora Feedly quedará anclado no meu PLE, pero sen descartar novas incorporacións como Scoop.It, Diigo ou Pocket. Debido á gran cantidade de información coa que contamos actualmente dispoñer dunha ferramenta organizativa resúltame indispensable, aínda tendo presente a limitación que supón poder contar só con páxinas que dispoñan de RSS, os seus beneficios son infinitamente superiores.  

Se alguén se anima a empregar esta ferramenta, aquí vos deixo unha guía básica en español sobre como darse de alta e empregar Feedly, ademais duns breves consellos para sacarlle o máximo proveito posible.