A miña presentación profesional: Estefanía Pérez Abalo

PRESÉNTOME:

Chámome Estefanía Pérez, son graduada en educación social e teño un máster en igualdade de xénero e educación, ambas titulacións pola Universidade de Santiago de Compostela (USC); así como o curso de monitora de tempo libre expedido por Campamentos Caracuel. 

A miña traxectora profesional céntrase no concello de Caldas de Reis onde traballei durante tres anos como educadora social sendo coordinadora do proxecto de interveción educativa e integración social, dentro do programa de educación familiar; docente de talleres de memoria e de novas tecnoloxías para as persoas usuarias do Fogar do Maior; e impartindo obradoiros de igualdade e prevención da violencia de xénero en educación primaria e secundaria nos centros educativos da contorna. 

Logo diso fun monitora de ludotecas de verán e tiven a oportunidade de colaborar como voluntaria en Galicia Acolle, COGAMI, Down Compostela e ASPANAES.

Preséntovos o meu avatar realizado con motivo do Posgrado de Orientación Laboral do CIGUX que actualmente estou a cursar:

Así son eu co moreno de xullo e as lentes de estudar.

Dentro das miñas principais afeccións atópase a lectura, o cine español e a música galega, e como mostra aquí vos deixo un vídeo dunha das mulleres que máis admiro cunha canción que xa considero un himno na miña vida. 

E, para rematar, aproveito a ferramenta recén creada de Twitter para recomendarvos o perfil dun dos meus lugares preferidos de Santiago de Compostela: a libraría Lila de Lilith.

Un saúdo e un pracer.